اتنازل
لازم تتنازل !!! احنا كباحثين عن عمل بنتعرض بشكل كبير لنظرة انت من غير شغل او بتدور يبقي لازم تتنازل و التنازل ده ممكن يكون عن راتب او مستوي وظيفي او تطلب اصلا في وظائف مالهاش علاقة بالمسار المهني بس تقدر تعملها. طيب و اتنازل ليه طالما خبرتي و مؤهلاتي تستاهل أطلب الرقم ده أو أكون في المكانة دي. للأسف كمان احنا بنمشي متوسط الرواتب علي مزاجنا ايه هو اقل رقم ممكن المرشح يقبل بيه؟! الحل ...... من وجهة نظري البسيطة لان معظم الوقت سواء بدور علي شغل جديد او لاء: 1. بشتغل علي مهاراتي و بحاول احسن منها. 2. بستغل كل فرصة و تحدي اني اتعلم منه مهما كانت صعوبته. 3. بحاول ديما استمر في التعليم . 4. مش بلتفت لكم الطاقة السلبية تجاه الرفض او ملاقيش بسرعة الفرصة اللي محتاجاها. 5. بحفز نفسي باستمرار و بعتبر كل يوم هو خطوة في الطريق اللي انا اختارته. طبعا ده كله مش سهل يحصل بس محتاج اقتناع و تدريب .. أكون مقتنع فعلا بالمسار المهني اللي اختارته و ادرس تبعاته كويس. مع تطبيق الخطوات دي مؤكد هتلاقي فرصة في مكان يناسبك و تتناسب معه. #ayamegahed