من 2017 وأنا بشتغل على الـ Personal Brand بتاعي على LinkedIn

الحقيقة إني مكنتش مركزة أوي في البداية، لكن كنت حاسة إن LinkedIn كـ Platform شبهي جدًا. أنا من الناس اللي بتحب الكتابة، ومش بمر بأي موقف من غير ما أرجعه وأشوف إزاي أقدر أطور مهاراتي وأوثّقه مع الوقت.

بحس جدًا إن الـ Personal Brand بتاعي متعوب عليه. مش بحب أشارك Posts متأكدة إنها منقولة من حد تاني، كل الـ Posts اللي بنزلها أنا اللي كاتباها. مش بحب آخد صورة مع حد مشهور في مجالي لمجرد إني أنزلها على الـ Social Media، الصور الحقيقية بالنسبة لي هي اللي بتجمعني بناس بحبها، ممتنة لوجودهم، أو كان بينا تبادل حقيقي للمعرفة.

مش بحب أصور فيديوهات مع حد، لأني بحب حرية التعبير والـ Intellectual Property، وبعتبر أفكاري جزء مني وتستحق تكون متميزة. وكوني شخص هادي مش بتحرك غير على حاجة تستحق، بيخليني أختار الـ Events اللي أشارك فيها وأحضرها بحب.

بشوف دايمًا إني مش محتاجة أستغل أي فرصة للظهور، لأن في الحقيقة الفرص هي اللي لازم تستغلني علشان أظهر فيها. مش فارق معايا الريتش، لكن اللي يهمني فعلًا هو وصول الفكرة، حتى لو لشخص أو اتنين يكونوا مهتمين ويكملوا القراءة.

الـ Personal Brand مش فيديو ولا صورة، هو سيرة بين الناس، حسن تعامل، وسلوك محترم.

عشان كده ممتنة جدًا لكل المتابعين المهتمين بالمحتوى بتاعي. وزي ما سمعت من حد مرة: "أنا حاسس من فيديوهاتك، حتى وإنتِ بتشرحي، إنك حريصة على توصيل معلومة فعلًا، مش بس بترمي كلمتين في فيديو يجيب ريتش."

رمضان كريم! 🌙✨

hashtag

#ayamegahed