الكفاءة أهم من السن!

 الكفاءة أهم من السن!


من فترة، كنت بعمل مقابلة في واحدة من الشركات اللي اشتغلت فيها قبل كده، وقابلت مرشح عنده مهارات قوية جدًا، لكن كان فيه تساؤل من بعض الزملاء:

"هو هيعرف يشتغل مع فريق ومدير أصغر منه سنًا؟"

"مش متأخر شوية عشان يبدأ في المجال ده؟"


لكن لأن سياسة الشركة كانت ضد التمييز وبتؤمن بتكافؤ الفرص، ركزنا على حاجة واحدة بس: الكفاءة!
✔ مهاراته العملية
✔ قدرته على التعلم والتطوير
✔ تعاونه مع الفريق

والنتيجة؟
بعد انضمامه، مش بس أثبت إنه يستحق الفرصة، لكنه كمان بقى عنصر مؤثر في الفريق، تعاون مع زمايله ومديره الأصغر سنًا، وقدم قيمة حقيقية للشركة.

التفاوت في الأعمار جوه أي فريق ميزة مش عيب، لأنه بيخلق تنوع في الأفكار والخبرات. المهم إننا نركز على المهارات، مش السن و بس!



التوظيف_بالكفاءة
ضد_التمييز
تفاوت_الأعمار_قوة
التنوع_يصنع_الفرق
المهارات_أهم
تكافؤ_الفرص
توظيف_عادل
التطوير_مفيهوش_سن
ayamegahed

Comments

Post a Comment

Popular posts from this blog

**CV tricks post 2✌️

Image
**CV tricks post 2✌️ Font and borders ..  و معانا النهارده تاني ملاحظه بتفرق كتير في شكل CV ..  **ال Font  الخط اللي بنستخدمه في كتابة ال CV يفضل أنه يكون الحجم ١٢ ل ١٤ بالكتير و نوع الخط يفضل يكون Arial أو time new roman..  ليه بقي بقول كده 🤷 1- الخط المائل أو فيه زخرفه متعب جدا للعين خصوصا لو ال CV مكتوب بطريقة تفصيليه هيكون متعب للنظر لو ال CV طويل بالخطوط المزخرفة متعبة للنظر بسبب أن الريكروترز بيشوفوا اعداد كبيرة من CVs لاختلاف الفورمات و تنوع الخطوط متعب جدا .. اكيد صعب ان كل المتقدمين يكتبوا بخط واحد و لكن نراعي أن الخط يكون معتدل. 2- الاوان المتعددة يفضل استخدام اللون الاسود موحد في الكتابة و لو استخدم لو اخر في العناوين ياريت يكون موحد يعني مش عنوان بالاحمر و عنوان كحلي و عنوان اخضر في CV واحد 🙆 3- لو العناوين كتير يفضل استخدام فيها ال bold و مش لازم يكون مائل و تحته خط أو اكبر مرتين تلاته من الكلام ⁦🕵️⁩ كفايه حاجه واحده . 4- لو المجال بتاعك متطلب شهادات معينة عشان تجذب النظر أسرع ممكن تكتب اختصار الشهاده ب bold الاختصار فقط . 5-تجنب تكرار الا...
Read more

اندمج و لكن خلي بالك...

كتير مننا لما بيروح شغل جديد بيواجه أزمة في التكيف مع بيئة العمل الجديدة التي لا تخلو طبعا من ... عصفورة ... مطبلاتي ... مسخناتي ..... موقعاتي ... الدحلاب ... ملقحاتي ... اللي بيحب البنات ... اللي مقضيها ظرافة طول الوقت ...... البيبي فيس اللي بنحكيله كل حاجه 🌝 ابن الشركة 👀👀 المناوشات و التنافس في اللاشيء ... و الضرب تحت و فوق الحزام ... المهم اصلا ان الموضوع مش مستاهل كل الصراعات دي.. الدنيا ابسط من كده .. الخلاصة انا عاوز ايه من الشغل .. بناء علي اللي انت عايزة هو اللي هيحدد علاقتك من كل ده .. من وجهة نظري انا مش بشتغل عشان ادخل في صراعات او لف و دوران او وجع قلب من ده كله انا بشتغل عشان عندي هدف اثبته لنفسي مش لحد زي ما اهلينا بيقولوا زمان اللي بينجح بينجح لنفسه مش لحد تاني ... مهم جدا جدا تكون قاري اللي حواليك و فاهم كل اللي بيحصل بس متخليهوش يأثر عليك ولا تبقي زيهم... كمل في الطريق بتحب تدرس كمل دراسه.. بتحب تطور شغلك طور بالحد المسموح .. بتحب تعرف الناس و تصاحبهم .. اعرفهم بس جوة حدود معينة .. و حافظ علي... ابتسامتك ... التوازن ... السلام النفسي ... البريك بتاعك ك...
Read more
  "احرص من عدوك مرة، ومن صاحبك ألف مرة." وخصوصًا في بيئة الشغل! مش كل حاجة نسمعها أو نشوفها لازم نصدّقها أو نتحرّك على أساسها. في ناس بتنقل الكلام لسبب: واحد عايز يبان إنه "العصفورة" اللي شايفة وبتبلّغ وواحد تاني عايز يولّع الدنيا ويسخنك وثالث هدفه يضمّك لصفه ضد حد تاني فـ خد بالك، مش دايمًا النية سليمة. المديرين كمان محتاجين يكون عندهم الحذر ده، لأن مع الوقت والخبرة الطبيعي إننا نطوّر مهاراتنا ونميل للجوانب الإدارية والقيادية، بس ده ميمنعش إننا نسمع بعقل ونفكر قبل ما نرد. احنا جايين من خلفيات وثقافات وتربية مختلفة، فاللي أنت شايفه "صح" ممكن غيرك يشوفه "مش منطقي". فـ خلينا نروّق ونصبر شوية، الصورة دايمًا بتوضح مع الوقت. #احذر_العصفورة #بيئة_العمل #نضج_مهني #القيادة #الذكاء_الاجتماعي #تطوير_الذات #نصايح_شغل #لينكدإن #HR #SoftSkills #ayamegahed
Read more