**CV tricks post 2✌️

**CV tricks post 2✌️

Font and borders .. 

و معانا النهارده تاني ملاحظه بتفرق كتير في شكل CV .. 

**ال Font  الخط اللي بنستخدمه في كتابة ال CV يفضل أنه يكون الحجم ١٢ ل ١٤ بالكتير و نوع الخط يفضل يكون Arial أو time new roman.. 

ليه بقي بقول كده 🤷

1- الخط المائل أو فيه زخرفه متعب جدا للعين خصوصا لو ال CV مكتوب بطريقة تفصيليه هيكون متعب للنظر لو ال CV طويل بالخطوط المزخرفة متعبة للنظر بسبب أن الريكروترز بيشوفوا اعداد كبيرة من CVs لاختلاف الفورمات و تنوع الخطوط متعب جدا .. اكيد صعب ان كل المتقدمين يكتبوا بخط واحد و لكن نراعي أن الخط يكون معتدل.

2- الاوان المتعددة يفضل استخدام اللون الاسود موحد في الكتابة و لو استخدم لو اخر في العناوين ياريت يكون موحد يعني مش عنوان بالاحمر و عنوان كحلي و عنوان اخضر في CV واحد 🙆

3- لو العناوين كتير يفضل استخدام فيها ال bold و مش لازم يكون مائل و تحته خط أو اكبر مرتين تلاته من الكلام ⁦🕵️⁩ كفايه حاجه واحده .

4- لو المجال بتاعك متطلب شهادات معينة عشان تجذب النظر أسرع ممكن تكتب اختصار الشهاده ب bold الاختصار فقط .

5-تجنب تكرار الاسم بخطوط و زخارف مختلفة يعني كتابة الاسم في الاول بوضوح كافي مش لازم signature في الاخر بخط مختلف و يستغل مساحه . 

** Borders.. و دي قصه كبيرة جدا 😂

هو غالبا في حد متأثر بمذكرات الجامعه و مصمم يعمل ورود و اشكال زخرفيه هائلة و ملونة😂😂

1-استخدام ال borders من عدمها دي ليها اتجاهات و مدارس في الآخر كل واحد يعبر عن نفسه بالشكل اللي يحبه .. 

لكن الطبيعي اننا نستخدم خط بسيط للتحديد رفيع أو سسميك مش مشكله لكن المهم من غير زخارف و ورود و ازدواجيه . 

2- لونه يكون بنفس لون الخط المستخدم في الكتابه بلاش زحمة ألوان في ال CV . 

3-نخلي بالنا عشان ميدخلش ال border في الكلام و الcv شكله يبقي مش محترف. 

و اخيرا بقي 

ال CV بتاعك هو سيرتك المهنيه ملخص مجهود سنين سواء في الدراسة أو الحياة العملية أو الاتنين مع بعض .. ببساطه متضيعش مجهودك .. 

 اعتبره من شكلك العام و انت رايح المقابله كل ما كان طريقه كتابته سليمة انت كده بتحافظ علي انك تخرج من مرحلة ال screening عشان تكمل معانا مشوار التوظيف 👌

#hr_ayamegahed