Human Resources

سؤال بيجي في اذهان ناس كتير وخصوصا المديرين & team leaders .. هو ليه فيه ناس في الفريق منضبطة اوي و ناس لاء؟ هنا بنتكلم عن معيار سلوكي و ليس مهني.  **من وجهة نظري البسيطة ان المنضبط في شغله مع الوقت هتطلع منه نتيجة كويسه جدا بناء علي التزامه ...  زي بالظبط اللي بيذاكر من اول السنه و واخدها واحده واحده و بيفهم كل تفصيلة .. ممكن يجيب مجموع قليل شوية .. بس تعالي بعد سنة او سنتين هيكون لسه فاكر الدرس و ممكن لو اتحط في موقف الامتحان تاني يجيب درجة نهائية علي عكس اللي حافظ مش فاهم مجرد ما الامتحان يخلص هينسي كل المحتوي. بالنسبة لي الالتزام في الشغل والانضباط في المواعيد حتي لو علي الشغل ملاحظات او تعليقات مهم جدا  الملاحظات متزعلش تماما .. اللي يأثر حقيقي علي المستقبل المهني كلمة "موظف منعدم الانضباط و الالتزام" " النقض للسلوك العام " و هنا نلاقي سؤال مهم هو .... ازاي اتحول لشخص منضبط في شغلي؟ بسيطه جدا🤷 ١- افتكر اول ما قررت تتخصص في الكارير و الاهداف اللي كنت واخدها زمان و الدوافع  ٢- اربطهم بالمرحلة اللي انت موجود فيها دلوقتي حتي لو اصبحت روتين هتضيف ليا ايه ؟...

#يلا_نذاكر_HR_من البيت 🙋 لينك الفيديوهات 👇 organisational behaviour https://www.youtube.com/playlist?list=PL-phkgbSuIUa3ve-O7uSWNfAZcOV__ShV دول عبارة عن شرح chapter 1 بالتسلسل 👌 لينك الماتريل 👇 https://drive.google.com/file/d/1Nm8QMQxzRHQCdtiRAh6jvvwm9vpBKEld/view?usp=sharing تعالو بقي أقولكم المذاكرة تكون ازاي 👌 انا كنت مقسمه اول chapter علي اسبوع ٧ أيام ..  الكتاب شكله معقد و ماليان مصطلحات بس حقيقي مفيد جدا جدا و ماليا cases study يعني هو اصلا مربوط بالواقع العملي يعني هتلاقي علي كل نقطه مثال عملي و تفسير .. منصحش بصراحه اللجوء ل slides power point ..  المذاكرة من الكتاب افيد و حقيقي مربوط كله بالواقع العملي و امثله علي اكبر شركات بالعالم و في نهاية كل chapter أسأله عن أهم النقط فيه لو جاوبناها خلاص كده قفلنا الجزء ده 👌 تعالو بقي نفهم اشمعنه OB...  السلوك التنظيمي بيشكل المؤسسات و الأفراد دراسه شامله و عامه علي كل الظواهر اللي ممكن تقابلنا .. عشان كده السلوك التنظيمي بيتدرس في أول مادة بشهادة الموارد البشرية و موجود كجزء أساسي من التخطيط الاستراتيجي 👏👏 و موجود...

سمعتها من كام يوم 👌 **المرشح ده شغله شغل senior  بس attitude junior ** كام واحد فينا موقعه في الحته دي هو شغله فعلا احسن حاجة و يفوق مرؤوسيه في المهارات التقنية ؟ بس سلوكه و طريقته لسه مبتدئ؟ ** كام حد فينا مبيعرفش يبروز شغله زي ما بيقولوا ؟! ** كام حد فينا كمان ممكن يبعد عن المناصب الإدارية نظرا لاحساسه بالأعباء ؟  ** كام فرصة عمل أفضل براتب أفضل ضاعت بسبب كل ده ؟  البوست ده انا مش هحط حلول لأنها متوقفه علي قدرات كل حد فينا .. *KSA* "knowledge . skills . abilities" كل اللي احنا محتاجينه مجرد مراجعة نقف فيها مع المستقبل المهني و الشخصي كمان لأن الاتنين بيكملوا بعض و نشوف احنا فين في طريق الهدف 👌 #hr #ayamegahed

أننا ندرس سلوك تنظيمي يعني أهميته مش بس المهتمين بالشغل و تأسيس نظام التشغيل.  الفكرة هنا هي قياس مهاراتك و تقييمها ..  هل انت فعلا فعال في وقت الضغط و الأزمات 🤔 طيب دلوقتي اي حد عنده فكرة و متحمس ليها شغال عليها و لا مستني الفرصه!  الفرصة مش هتيجي من غير دراسه نقط قوة و ضعف 👌 مين بيحلل المعطيات دلوقتي؟  مين اللي بيستخدم القياس و بيحاول ! و ياريت يا جماعه الناس اللي بتفضل العمل في صمت متنشرش دعايا سلبيه عن أي وضع حالي 👌 لو مش حابب تشارك بشكل فعال و بتفضل الاستثمار في نفسك دي خطوة تحترم و لكن الرجاء عدم نشر السلبية ⁦✌️⁩ #ayamegahed #stay_safe

النهاردة يوم يستحق التذكر :D  أستلمت وصل مكتوب عاليه د/آية <3  مؤخرا بقيت اسمع الكلمة دي كتير من معارف بس بصراحة اعتبرها مجاملة ليس أكتر و لكن الوحيدة اللي بصدقها هي أمي <3 فضلها كبير عاليا اوي عشان أوصل لأي حاجة بحبها <3 أو حلمت بيها طالما شئ صح و الغاية منه مفيدة رغم انها بتعارضني كتير بس دي طبيعة قلق الأم وواجبها في انها تصحح لي و تعلمني بس للأمانة أمي معتبرتوش واجب هي اعتبرته كأن عايزة الحاجة دي ليها رغم ان مفيش منفعه هتعود عاليها بأي شكل الوحيدة اللي حبتني <3 و استحملت هبلي :D :D و عصبيتي و الردود المتخلفة :D  المهم بقي بعدنا عن الموضوع لسه مخلصتش رسالة الماجستير و المشوار طويل جدا و الله أعلم الأيام الجاية فيها ايه بس ده حلمي من زمان أوي مش من ساعت ما دخلت الكلية ده من ساعة ما بدات افهم ازاي اخطط لحياتي بس مع الوقت فهمت حاجة مهمة إن حلمي مينفعش يكون بس لقب علي ورقة أو أي حد يناديني بيه أنا مبحبش الألقاب اللي فهمته إن ورا الكلمة دي مبادئ و أخلاق أهم و رسالة لازم توصل عشان كده بحاول اتعلمها حتي لو موصلتش بسرعه المهم اتعلم الحاجة صح علي أساس ممنطق المضمون ...

في علامة بتيجي و احنا في منتصف الرحلة في الطريق للعبور و إنجاز الهدف الحقيقي اللي ياما سعينا عشانه. العلامة دي احيانا تكون لحظة كسل مقصود أو ضعف أمام رغبة ملحة أو النظرة لباقي الطريق و احنا بنقول : "ياااااه لسه كتير اوي ....🥺" هو فعلا لسه كتير بس اللي جاي أقل بكتير من اللي راح مع انجازات اكبر بكتير من أي وقت مضى. في النص يا تشد اللحاف و تنام و تستسلم للرغبة الملحة في اللاشيء. يا إما تقرر تكمل عشان انت عارف من الأول تحقيق الهدف مش لعب و لا هزار ده تحدي و مش مع اي حد ده مع نفسك عشان تطلع أحسن ما عندك و تأدي الرسالة 👌 #ayamegahed

امبارح كان يوم مهم جدا بالنسبة لي بعد الربع الأول من ٢٠٢١  مش راضيه عن الإنجازات اللي حصلت لأن من جوايا كنت عارفه اني كان ممكن تطلع افضل من كده بس أنا اللي اتاخرت و لعبت 😅 اعتبرتها علامة اني لازم اعيد القياس خصوصا كل الاهداف اللي انا مرتبالها خلال سنة و اتنين مش بسيطة  صعبة أوي محتاجة مجهود جامد  مينفعش فيها الحلول الوسط  مينفعش فيها النجاح لوحده لازم تفوق  فبدأت أعيد كتابة أهدافي علي مدار السنة الحالية و الممتد منها السنة الجاية أن شاء الله  بس المرة دي مسكت كل هدف منهم و شرحت لنفسي الخطوات تكون ازاي و سيبت مساحه عشان القابلية للتعديل .  الاهداف اللي كنت محددها قبل كده و أنجزت منها  بدأت أكمل عليها و اشرح الخطوة هتكون ازاي .  كل حاجة محسوبة اوي و بمرونة و مفيهاش تهاون . ** مهم جدا تقف كل فترة مع نفسك تقارن و تراجع الخطوات مظبوطة في الاتجاه السليم و لا محتاجة تقييم و مراجعة #ayamegahed