يوميات HR 3 من ثلاث سنوات و اكتر
النهاردة يوم يستحق التذكر :D
أستلمت وصل مكتوب عاليه د/آية <3
مؤخرا بقيت اسمع الكلمة دي كتير من معارف بس بصراحة اعتبرها مجاملة ليس أكتر و لكن الوحيدة اللي بصدقها هي أمي <3 فضلها كبير عاليا اوي عشان أوصل لأي حاجة بحبها <3 أو حلمت بيها طالما شئ صح و الغاية منه مفيدة رغم انها بتعارضني كتير بس دي طبيعة قلق الأم وواجبها في انها تصحح لي و تعلمني بس للأمانة أمي معتبرتوش واجب هي اعتبرته كأن عايزة الحاجة دي ليها رغم ان مفيش منفعه هتعود عاليها بأي شكل الوحيدة اللي حبتني <3 و استحملت هبلي :D :D و عصبيتي و الردود المتخلفة :D
المهم بقي بعدنا عن الموضوع لسه مخلصتش رسالة الماجستير و المشوار طويل جدا و الله أعلم الأيام الجاية فيها ايه بس ده حلمي من زمان أوي مش من ساعت ما دخلت الكلية ده من ساعة ما بدات افهم ازاي اخطط لحياتي بس مع الوقت فهمت حاجة مهمة إن حلمي مينفعش يكون بس لقب علي ورقة أو أي حد يناديني بيه أنا مبحبش الألقاب اللي فهمته إن ورا الكلمة دي مبادئ و أخلاق أهم و رسالة لازم توصل عشان كده بحاول اتعلمها حتي لو موصلتش بسرعه المهم اتعلم الحاجة صح علي أساس ممنطق المضمون مهم جدا اهم من اللقب و اهم من الفرحة بيه :D لأنها أمانة بغض النظر عن اي تخصص او مجال كل بني آدم أتعلم حاجة مديون باللي اتعلمه مهما كان صغير إن غيره يستفيد منه لأن كلها حلقة وصل
وشكرا ....
#ayamegahed
Comments
Post a Comment