Human Resources

في ظاهرة احنا مش واخدين بالنا منها و ظالمين العصفوره و المطبلاتي في الشركات ..  "المسخناتي" و ده موجود كتير جدا في معظم الشركات يعني فالغالب مفيش شركه مشتغلتش فيها إلا و كان في منهم اربع او خمس أفراد 😂😂 و "المسخناتي" ده أكثر انتشارا من العصفورة و المطبلاتي 😁 بس احنا اللي اعدين نقطع في فروتهم عشان ظاهرين جدا ..  **اول علامات المسخناتي اللي من اول يوم في الشغل عمال يشتكي من المكان و انت مش عارف تسأله هو انت مستني ايه طالما المكان وحش 🤔 **تاني علامه في المسخناتي هي الزن .. هو متبع نظام الزن علي الودان أمر من السحر .. عنده استعداد يخليك مش طايق المكتب اللي انت آعد عليه اساسا .  **متبع نظام الاستلام والتسليم يعني بيستلمك يرمي في ودنك و يسلمك تسليم أهالي مع اول مشكله .. امال يا جماعه بتخافوا عالمكان ازاي ..  **بيحسسك أنه خايف عالمكان كأنه ابوه و أمه و أخته وابن اخته مع أنه اساسا مش طايقهم من كتر غلطاتهم في نفس الوقت ..  ** المسخناتي أشد انتشار من العصفورة و المطبلاتي و مبيتحسش بيه بسهوله لأن فالغالب كلامه حلو اوي في التشجيع على التغير بس مع أو تغيير فعلي بيكون ضده...

Change management . بمفهومه البسيط جدا هو ازاي تدير قوى التغيير في إدارة .. أو مؤسسة أيا أن كان حجمها . و التغيير بيكون علي مستويين 1- external forces. 2 - internal forces. يعني ال change management ليه عوامل لازم نراعيها زي مثلا .. 1- طبيعة القوى العاملة يعني لو انا صاحب شركة قررت اغير أو اتوسع في نشاط المؤسسة في كذا بلد .. لازم  يكون عندي معرفة بطرق التوظيف و قوانين العمل اللي بتحكم المؤسسات هناك و طبعا الرواتب .. مع أساليب التحفيز المناسبة للمكان . 2- technology . ايه هي اسرع و ارخص و أدق الإمكانيات التكنولوجية اللي هتساعدني احقق ال mission بتاعتي من التغيير . 3- الأزمات الاقتصادية .. و هنا إدارة التغيير و ايجاد البدائل لما نواجه أزمة سواء علي النشاط الخاص بالمؤسسة أو الأزمات العامه و هنا التخطيط بيكون لتغيير سير عمل المؤسسة ككل و إدارات to survive from shocks . 4- المنافسة في الأسواق العالمية .. هندرس مين المؤسسات اللي علي القمة في نفس التخصص و نعرف نقط القوة و الضعف و نستغلها عشان نقدر ندخل معاهم التنافس. 5- الاتجاهات الاجتماعية مهمة طبعا عشان طبيعة الق...

من يومين صديقه ليا بنتكلم في الاسباب اللي تقولها بأنها استقالت من شغل وهي بتقدم في مقابلات العمل والغريبه في شغلها لما كانت بتتكلم عن شركتها القديمة بشكل كويس وتشكر فيها كان مديرها بيضايق كمان هي فعلا في المقابلات بتقول اسباب واقعيه هي سابت شغلها ليه وعايزة ايه في خطواتها الجايه  علي فكرة النقاشات دي مع مديرين التكنيكال يعني مش HR ناس كتير بتقول أن HR بيعقد الدنيا وسيبت شغلك ليه والمفروض تجاوب ازاي بس من الواضح أن في مشكله في المناصب الإدارية بشكل كبير أن يكون المدير تكنيكال مش عارف يدير مقابله والنتيجة ١-يزعل أن المرشح بيتكلم حلو عن شغله اللي فات ٢-أسئلته تكون غير مهنيه وانا اعرف فلان وعلان وهسأل عليك ويكون ده المحور ٣- أنه ميتكلمش في صلب الوظيفه ويتطرق لأنواع نقاشات عامه مالهاش دعوة بالوظيفة ٤- أنه يكون مش محدد احتياجاتهم من الوظيفه المفتوحه ٥- أنه يكون بيحكم رأيه الشخصي في الاختيار وليس المهني كل دي غلطات مش ديما سببها ال HR ومنتشرة في شركات كتير مهما كان حجمها رأيي للمرشحين لو كانت شركتي اللي فاتت وحشه مكنتش اشتغلت فيها ولا سعيت وعملت مقابلات كل مكان وله حجمه رأيي لHR...

كام واحد دلوقتي منتظر علي Email و كل شويه يعمل refresh  عشان عمل مقابلات كتير و مستني job offer ..  طيب قبل ده كله سألت نفسك ازاي تكون جاهز ل ** مكالمة الانترفيو .. اعرف من هنا 👇 https://youtu.be/O9-Cd5-DJP8 **عشان تعرف أولويات  مسؤولين التوظيف من هنا 👇  https://youtu.be/A90empAceSo **و عشان تعرف ال feedback و ليه ممكن يكون في الافضل منك في الوظيفة أعرف الجانب الآخر من feedback 👇 https://youtu.be/0faqv34QPtg **في الوقت الحالي شركات كتير بتعتمد في ال process علي zoom  شوف ده عشان تعرف تهندل video call 👇 https://youtu.be/czop0CScUFQ **و الفيديو ده عشان تعرف ازاي تستعيد نشاطك في رحله البحث عن عمل 👇 https://youtu.be/xmXgle_py40 ** لو عندك فترة فراغ employment gab في سيرتك المهنية لازم تشوف الفيديو ده 👇 https://youtu.be/hJeUKETjz2Q **و لو انت في اول تلات شهور تحت التدريب و الاختبار لازم تشوف ده 👇👇 ازاي تكون فعال مع تنوع بيئة العمل https://youtu.be/KY9P0nL85-k **و السؤال الأكثر انتشارا في المقابلات👇👇 https://youtu.be/I6sJMYvxeIg **و لو لسه بتقول يا هادي و بت...

** CV tricks post 10  ازاي اكتب objective في ال CV ..  فاكرين السؤال اللي كلنا بنتريق عليه "شايف نفسك فين كمان 5 سنين؟" اهو هو ده  لو انت فعلا من الناس اللي تقدر تجاوب علي السؤال ده بطريقة SMART هتعرف تكتب objective , لأن ال objectives متنفعش تكون غير SMART اساسا 🤷 ** السؤال المهم ازاي اكتب objective ..  ورقه و قلم و اكتبي ورايا يا ست الكل 😂 ١- اولا هعرف انا فين ؟ في الكارير بتاعي .  ٢-انا عايز اوصل لايه و هكتب خطوات...  ٣-ايه المؤهلات المتوفرة و غير المتوفرة ..  ٤-ارتب الخطوات بجدول زمني مناسب مع امكانياتي العقليه و الماديه .. العقليه هنا يعني الاستيعاب .  بس كده و نختصر كل الكلام ده في سطرين تلاته مش اكتر من كده و ما تطولش في الكتابه  .. ده في مؤسسات ضخمه vision بتاعتهم في ٥ كلمات ..  Objective هو رؤيتك لنفسك في المستقبل  بيتعرف من خلاله إذا كنت حاسب الخطوات صح او لاء و طبعا مفيش شيء مطلق خلينا فاهمين ان كل مرحلة في التطور الوظيفي و السن مع اختلاف نسبة الوعي هتخلي ديما في تغيير في ال objectives احسب ده كويس لان لو اتسألت عنه في ...

السلام عليكم ورحمه الله وبركاته موضوع مطروح للنقاش🙋 فن اداره الازمه علي المستوي الفردي و الجماعي  الأزمة الحالية بنتعلم منها ازاي؟ طول عمرنا بتسمع أن في حاجه اسمها مخزون احتياطي أو استراتيجي و ده مورد مالي مهم جدا للمجتماعات في حالة حدوث الأزمات ياريت تقرأه عنه👌 علي المستوي الفردي☝️⁩ اظن معظم الناس اللي الشركات تخلت عن خدماتهم حاليا لازم يدرسوا ازاي يكون معاهم مخزون احتياطي و ده علي اتجاهين✌️⁩ لو ماديا انا كفرد لازم احمي نفسي بمخزون مالي يغطي أي ازمه ليا ممكن تحصل في اي وقت لو أعدت في البيت لمدة سنة او اتنين. و الاتجاه الثاني هو اني اعرف استثمر في نفسي ازاي بحيث إني أكون عنصر مؤثر لا يتم الاستغناء عنه أو استبداله و المفروض اننا شغالين عالنقطة دي دلوقتي ..  علي مستوي الشركات بقي✊ زي ما عندكم مخزون يغطي احتياجات الانشاءات الجديدة و فتح فروع ومشاريع .لازم كمان يكون في نسبه داخل المخزون ده و هو الحفاظ على المورد البشري و ده بيسمع في الشكل العام و البراند بتاعها أمام المتقدمين للعمل و بالتالي أمام العملاء. وبالتالي انا كمؤسسة ببني ثقة بيزنس غير منتهي و طويل الأمد كمان عشان ميكونش...

**CV tricks post 9 .. و النهارده معانا ما بعد الانتهاء من كتابة CV بشكل محترف تعالي  نعرف ليه ال CV مش بيتقبل و لا حد بيكلمك من مسؤولي التوظيف مهو مش عشان بس الأخطاء الكتابيه في كتير جدا مننا بيتخطوها 🤷  1- أن الوظيفه تكون ذات إمكانيات و مهارات اكتر من اللي موجوده عندك فعلا فطبيعي هيتم تجاهل ال CV لان في متقدمين أحق منك بالوظيفه و الحل .. خليك ديما متابع سوق العمل في تخصصك حتي لو انت شغال و شوف الجديد و حاول تتعلم و اعرف الامكانيات اللي لازم تكون فيك عشان تتقبل.  2- كميه ال emails المنتشرة بتاعتك اكبر الشركات لو حد كلمك منها عرفني 🤷 مفيش حاجه اسمها كده الوظيفه الفعليه هتلاقيها في اعلان علي مواقع الشركات أو مواقع التوظيف أو مواقع التواصل الاجتماعي.  3- استخدام linkedin في التواصل مع مسؤولين التوظيف مش انك تبعتلهم رسائل بس تابع البروفايل الخاص بيهم لأنهم هينزلوا كل job post جديد عندهم اعمل شبكة تواصل قوية علي لينكد ان .. كمان من المواقع المهمه wuzzuf and bayt خلي ديما ال CV updated  لان مسؤولين التوظيف ممكن ميعملوش اعلان و يكون ليهم اكونت يدخلوا ياخدوا CVS ...

**CV tricks post 8.. النهارده البوست مختلف لانه بيوضح انواع  كل من ...  CV &. Resume & BIO data & Portfolio.  عشان كتير بيسألوا ايه الفرق بين ال CV و ال resume و في نفس الوقت نعرف أن لكل category  من التخصصات ليه طريقه سرد معينة للتاريخ المهني ..  ** Resume.. ده ملخص مهارات و كفاءات و انجازات التاريخ الوظيفي و التعليمي اللي تتناسب مع الوظيفه المتقدم عليها .. ده نوع من توضيح المهارات في مجال بعينه عالاخص و مش بيكتب فيها ال objective أو summery  و هو مقارنه بال CV يعتبر اختصار لتخصص معين  **CV ..  و دي طريقه لسرد التاريخ المهني بالكامل غير متعلق بمهنة معينه انما هو عبارة عن خلاصة كل وظيفة حتي لو مجالات مختلفة و المهارات المكتسبة تفصيليا و ال cv ممكن يوصل لثلاث صفحات .  ** Bio data ..  و ده أكثر استخدام الدكاترة أو العاملين في جهات تحتاج إلي حفظ اسرار لناس زي المرضي مثلا و دي بتمثل تفاصيل تجارب و انجازات مع حالات في مجال معين و دي غير مستخدمه في مجال الشركات تماما.    **او العاملين في مجالات الادب و الكتابة و بيسموها b...

** CV tricks 7 . خلينا كمان نشوف الاسباب اللي ممكن يتم من خلالها تجاهل السيره الذاتيه 🤷 1-هتلاقي في اخر ال job post برجاء وضع ... في subject الايميل .. لو مسؤول التوظيف عنده ضغط علي job posts و ده وارد جدا بيعمل فلتر علي الكلمه المكتوبه في subject .. فالافضل أننا ناخدها copy paste علي box موضوع الايميل. 2- اسم ال attached هيكون اسهل لمسؤول التوظيف انك تسمي ال attached باسمك و مجالك زي مثلا انا بسمي ال CV .. HR Aya Moneer .  3- غلطة كمان في الكتابه اننا نستخدم اختصارات كتير سواء للجامعات أو الشهادات العلميه ياريت تكتب باسم الشهاده كامله..  4-سنة التخرج .. هو في كذا نظرية لكتابتها أو لاء.  و هي مثلا خوف المرشح من أن هو سنه كبير فيتجاهل سيرته الذاتية أو أصغر من المطلوب .. أو أن لازم وضوح و كتابه سنة التخرج ..  صراحه انا مع كتابة سنة التخرج جدا و كل السنين اللي فاتت حتي لو فيها فترات فراغ ده مش ضعف من مهارتك و موقفك ابدا .. طول ما الشخص بيحاول يتطور و يعمل خطوات في تاريخه المهني حتي لو متأخر ده عادي و ميضعفش من موقفه بالعكس ده بيدي طابع جدية و التزام .....

** CV tricks post 6 مشكله بتواجه كتير من المتقدمين علي عمل الترتيب الغير منطقي .. و ينتج عنه أن ممكن ال CV تبقي متعبة بالقراءة لمسؤول التوظيف و تقلل من احترافيه ال CV تعالو يلا نعرف الترتيب بيكون عامل ازاي فالشكل البسيط المحايد 👇👇 1-  معلومات التواصل زي الاسم، رقم تليفون ، عنوان ، بروفايل linkedin . 2- التعليم و بردو من الأحدث للاقدم و ده ليشمل مثلا الجامعه .. لو عملت دبلومه أو ماجستير . 3- الخبرات العملية السابقة من الأحدث للاقدم و بردو يفضل ترتيب المهام الوظيفية الأهم فالمهم و تكون كمان بشكل متسلسل يعني لو تخصصك فيه كذا فرع رتب الفروع ورا بعض مش واحده من الشرق و واحده من الغرب. 4-لو في internships فالصيف .. 5- ال courses من الأحدث للاقدم. 6-ال مهارات زي اللغه و الكمبيوتر . 7- بيانات شخصيه زي تاريخ الميلاد، الجنسية "عشان لو قدمنا في شغل برة البلد" ، موقف التجنيد بالنسبة للذكور . ده كده باختصار شديد الترتيب في كتابة ال CV للمرة ال ١٥٠٠ ال CV تاريخك المهني حافظ على شكله عشان تعب سنين يستاهل أنه يكون في إطار مظبوط #ayamegahed   #hr_tips #hrprofessional   #cv ...

** CV tricks 5 ..  كتير جدا بيعتبروا أن فترة الفراغ في ال CV  حاجه غلط employment gab ...  و بيحطوا فترات خبرة في شركات وهميه مع duties واخدينها من النت 🙆 لا وشركات كمان ليها حجمها و معروفه و طبعا مجرد ما يأعدوا في مقابله مع مدير technical أو HR دارس سوق العمل كويس جدا و يبدأ الكذب بخصوص الفترة دي حتي لو هو جامد جدا للشغلانه احتمال كبير بيترفض بسبب الغش 💁 علاج المرحله دي زي ما وضحت بالفيديو ده👇👇👇 https://youtu.be/hJeUKETjz2Q 1- تحاول توضح السبب باختصار .  2- تحاول تتعلم حاجه جديده في مجالك و تركز عليها في ال CV و المقابله ..  3- اتجه لشغل ال freelancer في مجالك و حاول تدور فيه هتلاقي اكيد .  ** لكن بلاش كذب في ال CV  كتير بيتعرف و شكلها مش حلو في حق سيرتك المهنية 💁 #ayamegahed #HR_Tips #HRProfessional #HR