المسخناتي😁
في ظاهرة احنا مش واخدين بالنا منها و ظالمين العصفوره و المطبلاتي في الشركات ..
"المسخناتي" و ده موجود كتير جدا في معظم الشركات يعني فالغالب مفيش شركه مشتغلتش فيها إلا و كان في منهم اربع او خمس أفراد 😂😂
و "المسخناتي" ده أكثر انتشارا من العصفورة و المطبلاتي 😁 بس احنا اللي اعدين نقطع في فروتهم عشان ظاهرين جدا ..
**اول علامات المسخناتي اللي من اول يوم في الشغل عمال يشتكي من المكان و انت مش عارف تسأله هو انت مستني ايه طالما المكان وحش 🤔
**تاني علامه في المسخناتي هي الزن .. هو متبع نظام الزن علي الودان أمر من السحر .. عنده استعداد يخليك مش طايق المكتب اللي انت آعد عليه اساسا .
**متبع نظام الاستلام والتسليم يعني بيستلمك يرمي في ودنك و يسلمك تسليم أهالي مع اول مشكله .. امال يا جماعه بتخافوا عالمكان ازاي ..
**بيحسسك أنه خايف عالمكان كأنه ابوه و أمه و أخته وابن اخته مع أنه اساسا مش طايقهم من كتر غلطاتهم في نفس الوقت ..
** المسخناتي أشد انتشار من العصفورة و المطبلاتي و مبيتحسش بيه بسهوله لأن فالغالب كلامه حلو اوي في التشجيع على التغير بس مع أو تغيير فعلي بيكون ضده😂😂
الحل .. متديش ودنك لحد .. شوف شغلك اللي يرضي ضميرك .. افتكر أن مفيش حاجه دايمه و لا حاجة بتفضل علي حالها ..
افتكر كمان انك في الشغل لازم تدي احلي ما عندك عشان في الاخر ده هيعبر عنك انت و عن قدراتك .. و محدش يعرف يمكن يحصل و المنظومه تنجح .. خليك من الناجحين مش مع أو تغيير تتحول تبقي "مسخناتي" و تفضل محلك سر .. لانك بكده لا هتنفع في المكان ده و لا في غيره ..
الانسان بينجح في المقام الأول من قدرته علي التغيير ..
ليه التغيير مهم !؟
لان دي اصلا طبيعية البشر منذ بدء الخليقة كل سنة و مرحله عمريه ليها متطلبات و قناعات .
الخلاصه متبقاش مسخناتي و لا تسمع له 👌🤷
#hr_ayamegahed
Comments
Post a Comment