Human Resources

كتير جدا متضايقين من الملاحظات على ال cv و. الكلام اللي بتقول و نعيد فيه بقالنا سنين ..  حط في حسبانك أن هيجي وقت لا مفر منه أن اللي بيعمل فلتر و سكرين علي ال CVS هيكون سيستم مش بني آدم ممكن يتجاوز خطأ ..  هتلاقي نفسك غصب عنك بتطبق معايير واضحة .. عشان بس ال cv يعدي من السيستم و يتشاف !  لو حضرتك مش قابل الملاحظات و عمال تقول كلام في حق ال Hrians اللي بيفلتروا علي مزاجهم و كل شويه مضايقين من كم الاخطاء ..  الوقت ده هيجي و ال CV هيكون طبق لمعايير سيستم ..  فتبدأ تشتغل عليه و تصلح و تعمل CV محترم من دلوقتي أفضل ..  و اشتغل بايدك بلاش فورمات جاهزة ..  و اعمل سيرش كتير و شوف احدث التقنيات في الكتابه ..  وراجع ال cv مرة و اتنين و الف ... حتي لو انت مش بتقدم علي مواقع الشركات .. ادخل و شوف طريقه ادخال البيانات عامله ازاي .. خد فكرة عن الترتيب و البيانات المطلوبة ..  و بالتوفيق للجميع 🙏  #ayamegahed

أسوأ حاجه قابلتها في الشغل و الحياة العملية بشكل عام علي مدار خمس سنين ..  كل ما تتكلم كتير يبقي انت بتشتغل ..  كل ما تعمل نفسك فاهم و تهز راسك انك فاهم يبقي انت ناجح .. مع أن هزة الرأس دي بتفكرني بديكور بيتحط في العربيه كلكم عارفينه 🙃 بس الحقيقي أن في الاخر مبيكنش في output اصلا نتيجه ..  كل ما تحسس اللي حواليك انك مطحون و مسحول في الشغل حتي لو مبتعملش حاجه يبقي انت كده تمام و هو ده المطلوب ..  سؤال بس بيلح عليا من زمان .. كام واحد من التلاميذ الشطار اللي كانوا بيأعدوا في أول ديسك بقي ناجح في حياته العملية دلوقتي ! و مش معني كده اني بنفي نجاحهم او اقلل من مجهودهم ..  ياريت حد يجاوبني! مين فيهم متميز دلوقتي ؟ الرغي الكتير و الطحن اللي عالفاضي من غير نتيجه .. هو مش خسارة للشركه او المكان اللي انت بتشتغل فيه ..  بس هو حقيقي خسارة ليك انت لان منعت نفسك تغلط و خوفت تقول مش فاهم و مش عارف .. و لو انت ماشي كده في حياتك العميلة صعب تتشاف موهوب و صعب جدا تتحرك من مكانك ..  و هتندب الحظ اللي وصلك للمرحله دي ! #ayamegahed

السؤال السهل الممتنع عن سوق العمل المصري! انا عايز اشتغل في مكان محترم بمرتب محترم ! أعمل إيه؟ السؤال ده جالي من أكتر من ٤٠ شخص بطرق مختلفة .. ١-منهم عندهم عيوب في ال CV .. ٢- منهم عنده مشكله في المقابلات و مش مستوعب هو اترفض ليه ..  ٣- منهم واقف عن مستوي معين في الخبرة و المهارة و مش قادر يطلع منه أو مش عارف ازاي .  ٤- منهم مش مطلع علي سوق العمل و حرب الكفاءات اللي بقيت موجودة و مش متواصل مع الجيل الأصغر منه عشان يعرف المميزات و العيوب .. أو مش متواصل مع الأكبر عشان يفهم اكبر كم من التجارب ...  السؤال ده إجابته مع حضرتك يا فندم ..  ١- لازم حضرتك تعمل CV يحكي بسهوله و بروفيشنال تاريخك المهني عشان نعدي اول مرحله . ٢- لازم تحلل أسباب الرفض في المقابلات و مش شرط تتقال لان في الغالب في اسباب مش بتتقال .. اللي هو انت بتتوتر و ده قلة ثقة بالنفس .. مش متزن في body language ..  ٣- ممكن تبقي تبقي اشطر واحد في الشغلانه بس عايز اللي يسحب منك الكلام .. و ده مش صح انت كده هتضعف فرصتك في انتظار واحد بعملي مقابله و يشجني اتكلم فاتعلم ازاي تعرض مهاراتك..  ٤- اللي فاكر نف...

السلام عليكم ورحمه الله وبركاته...  بخصوص الفرص في المنصوره و انها قليله و كتير بيقولوا أنها منعدمة ... و بالواسطة و أن علي مستوي المحافظة.. مفيش فرص  بصوا يا جماعه انا متفهمه صعوبة الموقف و عارفه حرب الكفاءات عندنا .. خصوصا أن المنصورة بلد للناس المتميزين الموهوبين فعلا .. و كتير منهم اللي بيطلع بيشرفنا حقيقي في تخصصه ..  مفيش حاجه اسمها مفيش فرص ..  مفيش حاجه اسمها الشغل مستحيل ..  انت اللي بتختار طريقك هيمشي ازاي...  انا ليا تجربة حقيقية في المنصوره من شغل لتدوير علي شغل ..  ١- كنت بشتغل علي نفسي و بتعلم لغة و بشوف كورسات اون لاين و باخد كورسات حقيقية .  ٢- وقت ما كنت بدور علي شغل في تخصصي HR و رغم ظروف شخصية صعبه .. شيلت من دماغي كلمة مستحيل .. تابعت كل الصفحات و المواقع حتي الشركات الام في القاهرة عشان فروعها اللي بتفتحها هنا و كنت بقدم ..  ٣- ٢٤ ساعة حرفيا كنت بتابع و كنت انام اقوم اعمل سيرش علي جوجل و يطلع صفحات غريبه اول مرة اشوفها بتنزل شغل و كنت بفتح alarm .. 4- صفحات الفيسبوك لشغل المنصورة كلها و موقع أسمه تنقيب لدرجة كمان كنت أتاب...

دلوقتي انا هقولكم بدور علي الوظائف ازاي.. في رحلة البحث عن وظيفة مناسبة  جميع الشركات اللي بتعتمد النظام بيكون اعلانها بشكل اساسي علي مواقع التواصل الاجتماعي بأنواعها مش Facebook بس دي مواقع كتيرة جدا ومتنوعه هضيف اللي علي حد علمي اعرفه واللي عنده موقع انا مش عارفه ياريت يقولنا عليه كل المواقع دي موجودة في Play store  اللي علي تليفوناتنا كلها يعني حتي لو حد مكسل يفتح اللابتوب يدور هيعمل Account علي كل ال Apps  دي و يبدأ رحلة البحث بتاعته أكتر موقع بالنسبة ليا عايزة اعمله تزكية بشكل خاص هو Linkedinاهميته مش بس اننا نلاقي شغلانه ده كمان بيخلينا نواكب سوق العمل كم المعلومات اللي فيه حاجة لا يستهان بها ومحتاج حبة وقت عشان يتفهم وبعد كده هتلاقي الدنيا مشيت فيه غالبا طريقة البحث واحده علي كل المواقع دي Linkedin & wuzzuf & bayt & Glassdoor انا عارفه يا جماعه ان البحث عن فرصة مناسبه  مش سهل بس الواحد بشكل عام بيسعي و بيدور و الارزاق بايد ربنا المهم اننا نجتهد في السعي و العمل ونتعلم و المهم بردو ان الواحد يكون محدد هدفه من ال Career  عشان ميحسش انه بيج...

مشكله كبيره جدا بتواجهنا اثناء التوظيف  إن من ضمن ال process بتاعتنا بنبعت feedback و CV  تقييم كامل عن ال candidate ل technical ..  مشكلات التكنيكال معانا  **أنهم ممكن اصلا ميشوفوش ال CV . **تحدد مواعيد و ميحضرش ..  **يقيم بشكل انطباعي مش فني ..  **عدم التزامه بالمواعيد مع أنه محطوط scedule .. و كل ده بيحصل مع أن في recruitment policy معروفه و شغالين بيها .. 🤷 و الحل ... **متنسوش نعمل update for this policy و نبعتها ..  ** حل كمان نفع معايا أنه اختصرت ال policy و ببعتها في attached مع ال scadule ..  ** Keep on touch with technical manager and try to understand his issues ..  كل ده مهم جدا ليه لأن ال interviews زي ما احنا بنقيم ال candidate هو كمان بيقيمنا و بيأثر علي براند التوظيف .. طبعا مع تكوين network هيكون مهم اني أحافظ علي صورة HR department اللي من خلالها أحافظ علي صورة الشركه في سوق العمل .. و شكرا 👌 #hr_ayamegahed

من أكتر الحاجات اللي بقابلها في شغل التوظيف و حقيقي بتستفزني ..  اني اكون عامله بوست ل entry level .. و ألاقي حد سنه مثلا أواخر ٣٠ بيبعتلي هو انا ممكن اقدم عادي حتي لو السن كبير! بفصل لحظه عن الزمن كده بقول هو المتقدم هو اللي غلطان أنه وصل نفسه للمرحلة دي أنه يحاول في سن متأخر .. و لا المشكله في الشركات اللي حاطه limit  و الناس اللي بتتجاهل اي مرشح معدي ال ٣٠ علي طول من غير تفكير و لا حتي يبص عالمؤهلات ! و لا المشكله في المجتمع اللي مش بيشجع علي الابداع و لا الاقبال علي الحياه في اي سن و اللي يعدي ال ٣٠ بيضربوه بالنار !!  و اسمع اللي بيقول أن الإدراك بيقل بعد ٣٠ ... انا عايزه افهم مين صاحب الفكرة الغير عبقريه دي ... انا قابلت بنوته من يومين فوق ال٣٠ و بتدرس جامعه تانيه تخصص مختلف بعد ما وصلت ل senior level..  و في اول شغل أخدته كان معايا واحده جميله جدا حضرت الدكتوراه بعد ال ٦٠ ..  انا نفسي استعابي لأمور كتير و مذاكرة اكتر مجاش غير بعد ما خلصت جامعة اساسا 😂😂  مين اللي حط القواعد الخزعبليه اللي تخلي البني ادم يقلل من نفسه و هو بيحاول !  ممكن نحاول ننش...