** CV tricks 7 .

** CV tricks 7 .

خلينا كمان نشوف الاسباب اللي ممكن يتم من خلالها تجاهل السيره الذاتيه 🤷

1-هتلاقي في اخر ال job post برجاء وضع ... في subject الايميل .. لو مسؤول التوظيف عنده ضغط علي job posts و ده وارد جدا بيعمل فلتر علي الكلمه المكتوبه في subject .. فالافضل أننا ناخدها copy paste علي box موضوع الايميل.

2- اسم ال attached هيكون اسهل لمسؤول التوظيف انك تسمي ال attached باسمك و مجالك زي مثلا انا بسمي ال CV .. HR Aya Moneer . 

3- غلطة كمان في الكتابه اننا نستخدم اختصارات كتير سواء للجامعات أو الشهادات العلميه ياريت تكتب باسم الشهاده كامله.. 

4-سنة التخرج .. هو في كذا نظرية لكتابتها أو لاء.  و هي مثلا خوف المرشح من أن هو سنه كبير فيتجاهل سيرته الذاتية أو أصغر من المطلوب .. أو أن لازم وضوح و كتابه سنة التخرج .. 

صراحه انا مع كتابة سنة التخرج جدا و كل السنين اللي فاتت حتي لو فيها فترات فراغ ده مش ضعف من مهارتك و موقفك ابدا .. طول ما الشخص بيحاول يتطور و يعمل خطوات في تاريخه المهني حتي لو متأخر ده عادي و ميضعفش من موقفه بالعكس ده بيدي طابع جدية و التزام .. 

انما لو المرشح صغير و طموح .. ورينا يا فندم مجهودك و شغلك علي نفسك و ترتيب أفكارك .. 

في الحالتين كل ما كانت خطوات تاريخك المهني متزنة و مدروسه ده هيأثر بشكل كبير علي سيرتك الذاتية لأنها في النهاية برواز الرحله الطويله في الشغل  👌

5- رجاااااء و احنا بندور علي شغل نقدم فعلا في الوظيفة اللي تناسب و نفهم الاعلان و متطلباته .. عشان في ناس كتير بتشتكي أنها ديما بتبعت CVS و مش بتلاقي ردود .

و انتشر جدا موضوع ايميلات أكبر الشركات و البنوك مجمعه .. عايزة اقولكم أنها مالهاش اي لازمه و في منهم ايميلات مش فعاله اصلا و مش هتستفيد منها حاجه غير تضيع وقت في copy paste 🤷.

6- في ناس كمان لسه بتاخد ايميل كذا شركه و تحط send all .. طيب يعني لو مصمم حطهم BCC . 

.. دي ملاحظات بضيفها لسلسلة CV tricks . 

و ان شاء الله تكون مفيدة للجميع 🙏

#ayamegahed

#HRTips