HR interview Vs technical interview.
من يومين صديقه ليا بنتكلم في الاسباب اللي تقولها بأنها استقالت من شغل وهي بتقدم في مقابلات العمل والغريبه في شغلها لما كانت بتتكلم عن شركتها القديمة بشكل كويس وتشكر فيها كان مديرها بيضايق كمان هي فعلا في المقابلات بتقول اسباب واقعيه هي سابت شغلها ليه وعايزة ايه في خطواتها الجايه
علي فكرة النقاشات دي مع مديرين التكنيكال يعني مش HR
ناس كتير بتقول أن HR بيعقد الدنيا وسيبت شغلك ليه والمفروض تجاوب ازاي بس من الواضح أن في مشكله في المناصب الإدارية بشكل كبير أن يكون المدير تكنيكال مش عارف يدير مقابله والنتيجة
١-يزعل أن المرشح بيتكلم حلو عن شغله اللي فات
٢-أسئلته تكون غير مهنيه وانا اعرف فلان وعلان وهسأل عليك ويكون ده المحور
٣- أنه ميتكلمش في صلب الوظيفه ويتطرق لأنواع نقاشات عامه مالهاش دعوة بالوظيفة
٤- أنه يكون مش محدد احتياجاتهم من الوظيفه المفتوحه
٥- أنه يكون بيحكم رأيه الشخصي في الاختيار وليس المهني
كل دي غلطات مش ديما سببها ال HR ومنتشرة في شركات كتير مهما كان حجمها
رأيي للمرشحين لو كانت شركتي اللي فاتت وحشه مكنتش اشتغلت فيها ولا سعيت وعملت مقابلات كل مكان وله حجمه
رأيي لHR خليك مع المدير أثناء المقابلات عشان تعرف دماغه وزي ما بتبعت feedback خد كمان من المرشح رأيه عن المقابله التكنيكال ولو الغلط من عند المدير يبقي تقريرك لمدير ادارتك بالاسباب وارقام
بالنسبة لأي حد في منصب اداري اعرف دورك صح ومش عيب انك تتعلم تعمل مقابلات ازاي وتدير فريق.. العلم مفتوح لاي سن ولاي مكانه
#ayamegahed
Comments
Post a Comment