**CV tricks post 1.

**CV tricks post 1.

هنتكلم النهارده عن الصورة في ال CV 🕵️

1-مبدأيا كده الصورة منحطهاش في ال CV الا لو اتكتب في الاعلان أنه مطلوب صورة.

2-وفي فعلا ناس بتقدم علي اعلانات توظيف مطلوب فيها صورة و مش بتحطها ورغم أن ال CV محترم جدا الا انه بيتعمله ignore

3-ليه الصورة مطلوبه أو لا؟

في حاله طلب الصورة بيكون في وظائف أساسي فيها ان مسؤول التوظيف يعرف الشكل العام عامل ازاي لان ممكن الوظيفه تكون أن حد بيمثل الشركه من خلال مهامه الوظيفية .. وعلي فكرة ده مش تصنيف أو تمييز .. لان النظرة مش بتكون المتقدم ده وسيم أو بنت جميله ولكن تأكد في حالة طلب الصورة المهم يكون الشكل العام مهندم والوان متناسقة وتليق بال dress code اللي المكان بيدور عليه.

4-طيب هو انا كل مرة هغير ال CV واعدل الصور🧐

لا حضرتك خلي عندك folder في نسخة بصورة ونسخة من غير بحيث نكون جاهزين ديما في أي وقت.

5-الصورة اللي سيادتك حاطتها في ال CV ببدلة الفرح .. أو من أيام التخرج متنفعش 📌📌

لان الشكل بيتغير كتير  علي الاقل حاول كل سنة تاخد صورة formal والموضوع مش صعب محدش فينا معندوش صاحب photographer 😂😂

6-شكل الصورة بيكون عامل ازاي 🤔

الصورة زي صورة باسبور السفر خلفيه بيضاء واللبس كلاسيك مش لازم بدله لكن ممكن جدا شميز أو قميص يعني و الزراير مقفولة كلها. ده للشباب و طبعا شكل خلقة ربنا هندمها😁 ..البنات عارفين هيعملو ايه بس بلاش مكياج اوفر و الوان طرح كتير أو شكل الشعر يكون مبالغ فيه . 

7-بلاش صورة سلفي و لا صورة في العربيه .. أو صورتك وانت آعد. عالمكتب .. صورة جواز السفر يا عالم.

الخلاصة.. خليك كفاءة و استعد. 

#ayamegahed