سيبك ‏من ‏اللت ‏و ‏اشتغل

شوية كلام عالماشي عشان تقدر تكمل في شغلك في الأحوال العامة الحاليه لسوق العمل  🤷

١- اللي اتفقت عليه من اول المقابله و ارتضيت بيه ٩٠ % هو ده اللي هيستمر .. 

2-رفاهية اني هسيب الشغل و ادور للأسف لو فرصتك كانت تبقي مرشح بين 50 CV  فالوقت الحالي الفرصة حرفيا تحولت تبقي مرشح بين كل 250 CV أن مكنش اكتر حسب طبيعة الوظيفه و متطلبات الشركه ..

3- لو انت فعلا محدد هدفك المهني و ماشي مظبوط و عايز تحقق سيبك من قاعدة العصافير و جو اللت و العجن اكتب أدامك هدفك اللي بتنزله من بيتك كل يوم الصبح هو ده اللي هينجحك مش الآراء و الانطباعات الشخصية 🤷

4- اول نصيحه سمعت بيها في حياتي العمليه من أخ فاضل اعمل تقرير عن شغلك حتي لو مش مطلوب منك تقرير .. الانجاز بيتنسي لو مش متوثق .. تقرير هيتعمل في خمس دقايق هينفعك جدا .. حتي لو في أسوأ الأحوال هتعمله decumentation عندك انت.. 

5- دور علي الناس الإيجابية و اتفاعل معاهم هتتعدي منهم و هتنجز 🤷

6- حط نفسك ديما في تحدي مع نفسك و ازاي تقيس و تقيم و كل يوم خد و لو خطوة وحده ازاي تخلي شغلك اكتر احترافيه..

الحياه المهنيه حقيقي بتعلم كتير جدا .. بس في فرق انك تتعلم تعمل الشغلانه و فرق أن يتقال اللي عمل الشغلانه دي فلان يعني اسمك بيتعرف من منهجك في الشغل 🤷

7- حتي لو شغال في وكالة عبد الغفور .. التغيير بيجي من ازاي انت مصدق هدفك و هتنجح 👌

8- كل ما تربط هدفك فالشغل بالهدف الأكبر في الحياة اللي اتخلقت عشانه اصلا و تلاقي الصلة بينهم كل ما كان نجاحك اكيد 👌

#ayamegahed