toxic work environment

من وجهة نظري .. ان مفيش حد يقدر يمشيك من الشغل .. الا بإرادتك انت .. 

لما  تدي ودنك القيل و القال و و أصل ده قصده و أصل ده نيته كذا و كذا .. 

مفيش حاجه اسمها كده اصلا .. لان ببساطه انت اديت لنفسك فرصه تسمع آراء مختلفة من أشخاص لا تعرف توجهاتهم و لا تعرف أخلاقيات العمل عندهم .. 

و لو القيل و القال ده مظبوط مثلا الشخص اللي بيوجهلك طاقة سلبيه ده لسه متواجد ليه فالمكان .. تفتكر يعني عبقريه فاذه منه و لا هو اللي مش لاقي فرصة اصلا و موقفه ضعيف ! 

بلاش تضييع وقت في الكلام احنا بنروح شغل ٨ ساعات في اليوم .. كل شخص فينا احتياجاته مختلفه عن التاني و باي حال من الأحوال الشغل هيخلص .. 

فخلصه و انت راضي عن نفسك احسن من تضييع الوقت عالفاضي .. 

الحاجة الوحيده اللي ممكن تمشي بيها من المكان هي عدم كفاءتك .. غير كده مظنش أن في اسباب تانيه 🤷

ابعد عن الطاقة السلبية و مشتتات التفكير و الوقت 👌

خطط ازاي تكون ناجح .. فكر ديما في خطواتك لهدفك .. 

كل يوم بالنسبة ليك خطوة لأدام مش لورا .. 

معظم الناس اللي بتنشر طاقات سلبيه بيكون موقفها ضعيف جدا و فرصهم قليله .. عشان كده بيخافوا من نجاحات الآخرين 👌

متروحش الشغل و انت مركز علي أشخاص .. اتعامل ديما مع وظائف موجودة عشان في الاخر تحققوا هدف واحد .. 

كلمة و ديما برددها اني "بحب كل زملائي في العمل و لكني بتعامل مع وظائف و ليس أشخاص" .. 

نتعامل باحترام و بود بس الشغل شغل .. 

معنديش اعتراض على شخصك بس لو شغلك غلط هعترض جدا .

 #ayamegahed