ذوي القدارات الفائقة و نسبة الـ 5%

ذوي القدارات الفائقة و نسبة الـ 5% وشغل التوظيف....

حقيقي يا جماعة علي قدر حبي لمجال الموارد البشرية و شغفي تجاهة إلا إناا للاسف مش قادرين كمسؤولين عن المورد البشري سواء في الشركات أو في سوق العمل و خصوصا في الشركات المحلية مش عارفين نستقطبهم إزاي أو نلاقي ليهم فرصة عمل مناسبة ..

حتي مع وظائف الدولة اللي كانت زمان نسبة تشغيل الـ 5% أكثر حظ في الفرص الوظيفيه للاسف بدأت تتلاشي .

للأسف الشديد احنا كمسئولين عن العنصر البشري بننظر لهم نظرة مختلفة احنا بين رغبات المؤسسة و بين الجانب الإنساني هنساعد يشتغلوا إزاي إذا كانت المؤسسات بترفضهم!

للأسف الشديد كمان نظامنا التعليمي مطلع السويين حتي لا يفقهوا شئ عن دراستهم سواء تعليم عالي أو فني و خصوصا الفني حظه في الفشل رهيب جدا.

انا مبقتش عارفه أحدد ده حالة مجتمع عامة و لا تقصير أهالي ..

للأسف الشديد كمان ذوي القدرات الفائقة مبقوش بس ينفع يكون نسبة تشغيلهم  5 % فقط دول بقوا في تزايد رهيب ..

محدش فكر الناس دي لو اهليها بتراعيها دلوقتي و قائمين علي احتياجتهم مين هيراعيهم لما يكبروا !! مين هيتكفل بيهم !!

علي مدار شغلي السابق و الحالي خصوصا قابلت أصحاب قدرات فائقة كتير بمعني الكلمة مهروسين في قلب سوق العمل و فرصتهم ضعيفة ..

عارفه إن في مؤسسات بتعمل نظام تشغيل بس حد يقدر يقولي ده متوفر في كام مؤسسه بالأقاليم .. خلينا نشوف وجهة نظر تانيه عارفين حصر لعدد القدرات الفائقة اللي بتتولد في الأقاليم كام يوميا!!!! 

أعلي نسبة ممكن نلاقيها في الأرياف و القري و ممكن منسمعش عنهم أصلا ..

عارفين الدولة حاطلهم معاش تحت كذا مسمي تكافل و كرامة او معاش معاقين!! عارفين إنه لا يتجاوز 400 جنيه و ده كمان مع الألم النفسي اللي بيواجهوه و كم الصعوبات عشان يحصلوا عليهم .

كل ما بقابل ذوي قدرة خاصة بحس بنوع رهيب من المسؤوليه تجاههم و لسه مش عارفة ان من خلال شغلي ممكن أقدملهم إيه أو أساعدهم ازاي .!!

عايزة أوصل لمرحلو إن نسبة تشغيلهم متكنش مجرد بند داخل لائحة الشركة ..

عايزة أوصل من خلال كل إدارات الموارد البشرية إن يكون ليهم نظام تشغيل واضح نحطله أسس مفصلة و مدروسه و كل حالة حسب إحتياجتها و احتياجات الشركة عايزة نخضع الأمر لدراسة كبيرة و بحث علمي يطبق و ينفذ علي مستوي الدولة ..

يكون في دراسة تحليلة و نسب واضحة و صريحة و تحليل لمدي قدرتهم و ملائمتهم لسوق العمل عايزين زي ما في لوائح للشركة يكون في بنود بداخلها بتشرح في حالة إختيار موظف ذوي قدرة فائقة نقوم بالترشيح ازاي و نقيس مهاراته و ملائمته للوظيفة إزاي !!!

ياريت نعيد حسابتنا .

#ayamegahed