سؤال مقابلات العمل .. اذكر أكثر نقط الضعف اللي بتواجهك ‏🤷

سؤال مقابلات العمل .. اذكر أكثر نقط الضعف اللي بتواجهك 🤷

1- اعمل تحليل علي النقط اللي محتاج تعملها تطوير . 

و اكتبها في list أو تحط النقط اللي انت فعلا ضعيف فيها وشايف انك لازم تشتغل عليها . 

ولازم تكون مرتبطه بالكفاءات و المهارات المطلوبه للشغلانه . زي مثلا انت ضعيف في لغة الانجليزي في أي نقطة بالظبط لازم يكون. فيها تحليل .

2- مينفعش تقول أنا مشكلتي اني بشتغل كتير جدا و عايز اني اخلص الشغلانه وبضغط علي نفسي عشان الشغل بس كده يتفهم انك عاوز تداري كسور معينه او بمعني اصح بتكدب و مبتعرفش تدير وقتك.

3- افضل شيء في المقابلات الصراحه بس بلاش تفاصيل مالهاش علاقه بالشغلانه اللي بتقدم عليها و دي مشكله معظم المتقدمين على عمل أنهم بيدخلوا في تفاصيل مش مرتبطه بالوظيفة اللي بيقدموا عليها و في الآخر انت ليك وقت محدد لكل سؤال مش محتاجين اكتر من رد منطقي و يكون. In to the point.

و في نفس الوقت مينفعش تقول أنا عندي مشكله مع الارقام و انا رايح اقدم علي وظيفة محاسب مثلا. 

4- اشرح بقي ازاي بتشتغل علي نقطة الضعف طبعا أولها انك حددتها و ايه هي الخطوات اللي خدتها عشان تشتغل علي تطويرها 

5 - خليك جاهز أنه ممكن يسأل علي كذا نقطة ضعف و في سؤال يبين إذا كنت صريح في الاجابه أو لاء .. أنه ازاي نقطه الضعف دي أثرت علي شغلك و ده عشان يدخل منها علي نقطه ضعف تانيه لان في الغالب المرشحين بيكونوا مدربين نفسهم علي اجابه واحده .

لو قدرنا نراعي النقط دي .. هنقدر نتكلم علي نقط الضعف الفعليه بس بذكاء و إقناع.. 

و من وجهة نظري متنتظرش المقابلات عشان تحضر اجابات لأسئلة بلاش تكون زي امتحان و بتحضر له .. الافضل أننا طول ما احنا في مسيرتنا المهنيه نعمل تحليل و تدقيق احنا فعلا محتاجين تطوير فين.

و بلاش كمان تخرج من مقابله عمل اترفضت فيها بطاقه سلبيه لانك لو ركزت شويه هتعرف المشكله فين و تعالجها .. هي تجربة و حولها لمكسب انك حتي لو مخدتش الشغلانه فأنت فهمت ازاي هتحضر نفسك للمقابلة اللي بعدها 👌

#ayamegahed #HRTips