مشكلة مقابله ‏ال ‏ ‏HR

أكبر مشكله بنقابلها في مقابلات العمل .. ان في أسأله بتكون امكانيتها علي قياس الجدارات ضعيفة جدا .. 

المشكله الأكبر أن ما زال متخصصين في الموارد البشرية لسه بيستخدموها .. من باب أنها اتهرست مين مرة قبل كده فمش ممكن توقعها .. زي نوعية "لو روحت جزيرة فاضيه هتاخد معاك ايه ! و متاح تلات اختيارات بس ! " 

النوعية دي كانت منتشرة من 10 الي 7 سنين فاتوا ! و معرفش ليه في ناس متخصصة مازالت مصممة علي استخدامها .. لدرجة أنها بتستهلك وقت و بدل ما ننتقل للأسئلة الفعلية في صميم العمل .. فالوقت ضاع بالنسبة لي في هزار ! 

من اكبر الأخطاء اللي بكتبها عن المقابلات أنه مينفعش حد يسالك في صميم العمل و تقوله مبحبش الجزء الفلاني فيه .. و حاليا انا بشتغل مسؤول عن التوظيف سواء في شركتي الحاليه أو فري لانسر .. و من أسخف الاشياء اللي بتقابلني اني كمرشح و بطبيعة شغلي متعوده علي تنوع مقابلات العمل مبحبش المقابلات اللي من النوع ده اللي هو انا خرجت منها و مفيش اي استفادة  و لا حتي معلومة أضافت لي ... و المفروض أن دول من جيل أصحاب زوي الخبرة .. علي عكس تماما افتكر مقابله من فترة مع حد أصغر مني في السن لكن كفاءته أعلي بكتير  لدرجة اني خرجت من المقابله فعلا ضافت لي قيمة كبيرة .. و لو في اي فترات فراغ في ال cv أو مدد عمل قصيرة ممكن نستعلم عنها في المكالمه بردو و لو مش مقتنعين خلاص يبقي اختصار للوقت و مجهود الطرفين .. 

الرجاء من السادة الزملاء كبار و صغيرين .. متضيعوش وقت المرشحين .. في حاجه اسمها مكالمة انترفيو تختصر الوقت و فيديو انترفيو افضل في الظروف الحاليه اللي بنمر بيها ..

#ayamegahed