اغلبية إعلانات الوظائف بتكون مبهمه و مفيش فيها أي تفاصيل . ‏

جالي تعليق علي بوست نعيد تاني ازاي ندور على شغل..
و قالي أن اغلبية إعلانات الوظائف بتكون مبهمه و مفيش  فيها أي تفاصيل .
نعالج المشكلة دي ازاي ؟!
لو الإعلان معمول بإيميل شركة الموضوع بسيط جدا .
1-هتاخد اسم الشركه من الايميل و هتدور علي اعلانات قديمة ليهم سواء wuzzuf أو linked in أو Facebook.
علي لينكد ان ممكن تعرف من خلال حاجتين
الشركة نفسها تكون منزلة الوظيفية بالتفصيل علي اكونت ليها .
2- تدخل تبحث في اكونت الشركة لينكد ان عن الناس اللي كانو شغالين في نفس البوزيشن ال duties عامله ازاي و في الحالة دي هتلاقي history كتير .
3-اسم الشركه بردو و تدخل علي ال website  الخاص بيهم و تدور إذا كان في اعلانات وظائف و تجيب منها تفاصيل الشغل.
4-لو اعلان مش معمول بإيميل شركة و انت مش جايبه من أكونت freelance recruiter معروف بنسبة كبيرة الاعلان ده بيلم داتا .
5- بالنسبة لي اهم حاجة من وجهة نظري اني اسأل في مكالمة الانترفيو عن تخصص الشركة و اقولهم يبعتولي website و كمان بسأل عن الدور المرشحة ليه لو مثلا HR specialist  هيكون في ايه بالظبط علي سبيل المثال...
(توظيف و لا شؤون عاملين و لا تطوير مؤسسي و لا مزايا و تعويضات).
الموضوع كله ازاي تعود نفسك تدور صح و تاخد أكبر كم من الداتا...
#ayamegahed