CBI interview

انت ك HR recruiter لما تسألني في مقابلة 

لو انتي في مركب و انتي اللي بتسوقي المركب دي و محدش غيرك يعرف يمشيها و معاكي من أهلك .. 

جوزك .. ابنك .. باباكي .. ممتك .. اخوكي . 

و في عاصفه و حموله كبيرة و لازم ترمي حد عشان تنقذي الباقي هترمي مين ؟! 

أيا كان السؤال ده بيقيس ايه! اتخاذ قرار مثلا ؟! 

طيب ما تيجي نعمل اسقاط كده ليا انا ك HR و حضرتك عاوز تقيس competency decision making  في أي درجة و كمان تكنيكال انا فاهمه تخصصي أو لاء 

 في حالة  أني واخده تعليمات من الإدارة بتقليل عدد العاملين في الشركه مع إنجاز نفس المهام الوظيفية و آخد من العدد نفس نسبة مؤشرات الأداء. ايه خطواتك؟

1- اول حاجه هنعملها job analysis لكل وظيفة و نشوف المهام و المسؤوليات و متطلبات الوظيفه الموجودة فعليا . 

2- نستخدم معاها job design ايه هي الوظيفه اللي ممكن يشيلها اتنين و متوفر في الموظف المتطلبات اللازمه 

3- تلزم مديرين الإدارات بعمل assessment ناخد منه نتيجه مين اكتر موظف قادر على الجمع بين مهام وظيفتين في إدارة واحدة. 

4- نعمل modelling بقي و نجرب قبل ما ناخد اي قرار نختبر فيه الموظف بكفاءته علي أداء العمل الجديد المطلوب منه أو لا . 

5- time management

يعني المهام اللي بيعملها تلات موظفين بتاخد وقت اد ايه ! هل لازم لها وقت إضافي أو لا .. بشكل دائم أو مؤقت .. طيب الوقت الاضافي ده بيعادل مرتب موظف جديد و لا هما اصلا محتاجين إدارة وقت للمهام و هنعيد النظر فيها ؟

** ممكن كمان لو احنا عندنا التقييم العكسي و ال job satisfaction نطلع منها بيانات تحليلية من آراء الموظفين و المديرين في مين عنده استعداد مين يقوم لأكثر من مهامه . 

و في الآخر حتي بعد ما اعمل job analysis قياس أداء و اعاده تقييم لإدارة الوقت .. 

مين اللي نستغني عنه وقت العاصفة بره المركب ! 

...  انما تسألني السؤال ده علي ناس تربطهم في حياتي مشاعر مختلفة تماما عن انهم يكونوا معايا في شغل و تقولي ترمي مين ؟! مينفعش لاني مش هرمي حد و مش عاطفة زيادة مني و عدم قدرة على اتخاذ قرار . 

و كونك انت حضرتك هترمي زوجتك يبقي في خلل ما في مكان ما عندك .. و لو واحد رد أنه هيرمي والدته عشان هي الوحيده اللي هتسامحه ..

كل دي إجابات مالهاش اي اساس من الصحه .. و السؤال لا منطقي و لا في محله و اتهرس كتير قبل كده 

و شكرا 

#ayamegahed