لو ‏قدمت ‏استقالتك ‏البوست ‏ده ‏ليك

لو قدمت استقالتك و مفيش شغل تاني. 

البوست ده ليك 🤷

1. أول حاجة لازم نتقبل كل المشاعر السلبية يعني هنحس بانزعاج ده شيء طبيعي و كمان هنكون زعلانين علي الفترة اللي قضيناها في الشركة وفي الاخر مخدناش تقدير نستحقه كمان هنكون خايفين ان الحياة من غير روتين منتظم ..

**خلينا نتقبل كل ده و نفهم ان بلاش نفكر في الذكريات السلبية عشان هي خلاص حدث في الماضي المفروض نبص لادام و نخططت للخطوة الجاية بتركيز و مهم تقييم النفس اه مش هنبص ورانا بس لازم نعرف الاخطاء فين عشان نتفاداها مع الفرص الجديدة.

2. دور علي نفسك ,,, احنا في جو الشغل بننسي هوايات كتير و ممكن كمان مناخدش بالنا ان في مهارات محتاجين نكتسبها خلاف الشغل.

** ديما النفس محتاجة تتغير و تتعلم جديد حاول تلاقي نفسك في هواية كنت بتعملها زمان او هواية جديدة تتعلمها او عمل تطوعي مثلا.

3. كام مرة اجلت كورس جديد كنت عايز تتعلمه فده وقته عشان ترجع بقوة لشغلك الجديد و اعمل روتين يومي اتعود عليه و التزم فيه اكتر من التزامك في الشغل انت بتثتسمر في نفسك كل حاجة جديدة هتتعلمها هتاخدك خطوات لادام .

4. إدارة المصروفات الخاصة ... انا كنت كتبت بوست عن الموضوع ده اننا لازم نتعلم من الازمة اننا نعمل مخزون من الاموال لان الله اعلم بسبب شركات كتير بتتخلي عن موظفينها ممكن نأعد بالشهور من غير شغل فدي حاجة هناخد بالنا منها في المرحلة الجاية لما نلاقي فرصة و هنحاول نحجمها لو احنا في حالة سيبنا الشغل او الشركة تخليت عننا ,,, ده مهم عشان متضطرش تقبل بوظيفة غير مناسبة لامكانياتك و سيرتك المهنية زي ما قال احمد ذكي كده في فيلم البيضة و الحجر اذا غلي عليا شيئا تركته :D 

5. ده وقت تعيد مراجعة CV مش بس كده كمان تجهز لبس المقابلة عشان تكون مستعد للخطوات الجاية.

6. Networking ديما بنسمع ان لازم يكون ليك دائرة علاقات قوية و كبيرة و للاسف احنا مع الشغل احيانا بنهملها و ده لضيق الوقت حاول تعمل روتين في الموضوع ده انك تستعيد صداقات قديمة مثلا تهتم بالمعايادات........ 

** في الوقت الحالي احسن حاجة ممكن نعملها اننا ننستخدم وسائل التواصل الاجتماعي في personal branding

7. أهم نقطة بقي كلنا هنواجهها سؤال سيبت شغلك ليه .. لو بسبب الازمة العالمية سهله هي كلمة و نص و شكرا .. طيب لو بسبب ان الشركة تخلت عن خدماتك او انت مش عاجبك وضعهم و مشيت هنعمل ايه ؟!

• من الاخر كده لو الشركة تخلت عنك متخبيش ده عادي و معرضين انه يحصلنا مرة او اتنين في السيرة المهنيه.

• و متخجلش منه لانه مش دليل علي عدم كفائتك انك سيبت الشغل دي مش هويتك ومش عشان حد اتسبب في انك تمشي من شغلك يبقي انت مش كفاءة 

*في الشركة اللي فاتت وافقوا عليك عشان انت Qualified و بردوا الشركة اللي جاية هتختارك لنفس السبب.

#ayamegahed