السادة المديرين .. مينفعش post 3
السادة المديرين .. مينفعش post 3
************************************************
١- مينفعش تكوين أحزاب في فريق العمل كده المنافسة هتتحول مين افضل اداء في الفريق ل محدش هيشتغل الشغلانه دي غيري بالتالي فقدت اهم جانب من الإدارة و هو العمل الجماعي.
٢- انك تركز علي الأخطاء بشكل فج و تبرزه للآخرين بشكل فيه سخرية بدل ما تشرح المهمة من اولها و ازاي نعملها و ازاي نتجنب الخطأ .. لأنه وارد اصلا .
٣-مينفعش اول ما تلاقي غلطة في الفريق تجري تبلغ الإدارة العليا ده هيضعف موقفك انت كمدير لانك مش عارف تعالج أخطاء و توزع مهام صح.
٤-تعبيرات الوجه المتجهمة أو التكشيرة طول الوقت .. احنا ينقضي في الشغل ٨ ساعات و علي فكرة التكشيرة مش هتزود وقار بالعكس هتكون سبب في طاقة سلبية و إنجاز المهام هيكون علي مضض.
٥- مينفعش تقلل من مهارات أحد أعضاء الفريق لو فيه روح القيادة خوفاً من أنه ياخد مكانك ده مش صح تماما لأن الشخص ده ممكن جدا يعتمد عليه في التفويض مش كل الناس بتقدر تشيل مسؤولية لو عملت كده اول ما يجي مشكلة فيها ضغط الكل هينتظر تعليمات و مش هيشارك لو في آراء و حلول مبتكرة .
#ayamegahed
Comments
Post a Comment