مين له الحق !
اولا كده الموضوع طويل فاللي معندوش دماغ يقرأ ميقراش من الاول :D :D
.....................
اتنين اصحاب بيدخلوا شركة سوا واحد فيهم صاحب الفكرة و التاني صاحب رأس المال و كتبوا العقد و اتفقوا علي دور كل واحد فيهم .. بعد فترة صاحب الفكرة اختفي تماما و بعت مرسال انه انسحب و مش عايز يكمل لظروف خارجة عن ارادته .. صاحب رأس المال كان اتحمس للفكرة و ابتدي المشروع بالفعل و المشروع كان بردو اكبر من امكانياته بس هو متحمس للفكرة فكمل و عافر لحد ما وصل انه طور اكتر بفكرة المشروع و دخل منه ارباح كتير نتيجة تعبه و مجهودة .. بعد فترة صاحب الفكرة عرف النتيجة اللي توصل ليها المشروع .. بقي كل شوية يتواصل مع صحبه و يفكره انه صاحب فضل عليه عشان دي فكرته لحد ما التواصل زاد و بقي تدخل غير منطقي ..
هنا بقي بقي بيجور علي حق مش من حقه لا و كمان عايز يشاركه بدون وجه حق !!!
بالظبط كده زي جحا اللي باع بيته و سايب فيه مسمار كل شوية يدخل البيت عشان مسمار !!!
للاسف ده مش بيحصل بس في الشراكة و المعاملات التجارية ده بيحصل في حياتنا كلها و بيوصلنا لمضايقة ان الواحد خايف علي تعبه و مجهوده وواحد بيهدد و بيتطفل علي مجهود الاخر !!
الحل بقي :::::: نخلع المسمار و نحطه عالنار يسيح و نعيد تشكيله لصورة تانية عشان لما جحا يجي يلاقي المسمار اختفي ميعرفش حتي يدور عاليه و يجيبه تاني ..
هو وجود صاحب الفكرة مش هينعدم .. لكن لما الفكرة تتغير و تاخد شكل تاني و تكبر بفضل اللي بناها كل ما صاحب الفكرة يجي يتدخل الفكرة هي اللي هتوضح نفسها و ترفض تماما صاحبها الاصلي من تلقاء نفسها و كل العوامل المحيطة هتأكده علي كده ...
#ayamegahed
Comments
Post a Comment