القبول ده رزق من عند ربنا
القبول ده رزق من عند ربنا 🙏
يوم فرحني فعلا مع اني كنت ساقطه من التعب و عدم التركيز بسبب دور البرد اللي عندي
كنت بحاول اتواصل مع بنت مرشحه تمسك رئيسة قسم عندنا
و للاسف عشان هي نفس اسم بنت زميلة و رقمهم ورا بعض اتصلت مرتين علي زميلتي بالخطأ ومردتش عليا
المهم قلت لازم احاول تاني ربما يكون معاها اي عذر بس المشكله اني كنت بلغت مديري و التكنيكال مانجر انها مش بترد 😅
عشان هي فعلا حتي لما كنت بحاول اتواصل معاها من الاول مكنتش بترد من اول مرة 🙈
و اتصلت بالرقم طلع زميلتي 🤦
جريت بلغت مديري بالخطأ اللي حصل عشان ميوصلش عنها فيدباك سيء بعدم الاستجابة للرد اكتر من مرة خصوصا انه فعلا تعبتني في الاول بعدم الرد عشان تيجي المقابلة ...
و يشاء القدر اني اسمع منها احلي كلمة احب اسمعها في حياتي
قالتلي:
"انا مبسوطه اوي بالخبر اني مرشحه معاكم و سواء اتقبلت او اترفضت انا مبسوطه اني قابلتك انتي شبه وحده صديقتي من زمان بنفس ضحكتك و قريبة من طريقتك".
بفرح اوي لما حد يقولي حاسك قريبة من حد اعرفه و بيحبه
❤️❤️
#ayamoneer
Comments
Post a Comment